Yaqindagina shou-biznes olamiga kirib kelgan "Fayoz" guruhi yigitlari o'zlarining muxlislari uchun ketma-ket yangidan-yangi taronalarini taqdim etib kelishmoqda. Shu bilan birga hozirda "Fayoz" guruhining homiysi poytaxtimizda joylashgan "Fayoz" restorani degan fikrlar ham aylanib yuribdi! Bu fikrni eshitib biz ham hayron qoldik va oydinlik kiritish maqsadida "Fayoz" guruhi a'zosidan biri bo'lgan Sheraliga yuzlandik...

- Sherali, eshitishimizga qaraganda hozirda "Fayoz" guruhiga "Fayoz" restorani homiylik qilayotgan ekan degan fikrlar paydo bo'ldi! Shu fikrga oydinlik kiritsangiz?
- (O'ylanib)! To'g'ri bizga ham shu kabi savollar bilan ko'plab murojaatlar bo'ldi, lekin bu fikr noto'g'ri! Biz, Oybek akam bilan o'zimizga-o'zimiz homiylik qilmoqdamiz! Bizning guruhga "Fayoz" restoranining mutlaqo a'loqasi yo'q!
- Unda nima sababdan guruh "Fayoz" nomini olgan?
- Guruhimizga nom qo'yishda juda qiynalganmiz. Keyin esa, "A'lo FM" radiosi bosh muxarriri Olimxo'ja Azimov bilan maslahatlashganimizda, ular bizga "Fayoz" deb nom berishni maslahat berdilar! Shundan keyin guruhimiz "Fayoz" nomini oldi! "Fayoz" - fayz ulashuvchi degan ma'noni anglatadi...

Mana ko'rinib turibdiki, guruh atrofidagi bu gaplar haqiqatdan ancha yiroq ekanligini bilib oldik. SB.uz portali "Fayoz" guruhining keyingi ishlarida ulkan zafarlar tilaydi va hamisha hammaga fayz ulashavering deb niyat qiladi!