Qiziqarli partal !!!

Сардор Раҳимхон: "Уйланиб, бахтимни топдим, яқинда ота бўламан

Umid_Virus — Sat, 20 Aug 2011 18:19:38 GMT

Сардор Раҳимхон: "Уйланиб, бахтимни топдим, яқинда ота
бўламан!”

— Машҳурлик ўзининг эвазига самимийликни талаб қилади, деган гапларга
қанчалик қўшиласиз?

— Бу фикрга мутлақо қаршиман. Машҳурлик самимийлик эвазига келади.
Ҳатто, қўшиқни тинглаб, хонанда уни самимий, юракдан ижро этганми ё йўқ,
билса бўлади. Саҳнада ҳам хонанда самимият ё кибр билан турибдими, халқ
бунинг фарқига боради. Самимияти йўқолган хонандаларнинг қанчаси
эътибордан қолганига кўп бор гувоҳ бўлганман. Ҳозирги кунда аввалгига
қараганда анчайин самимийлигим ошган. Шу самимият орқасида нон
топаётганимни била туриб, уни сохталикка алмаштиришнинг ўзи ахмоқлик!

—
Суҳбатлардан бирида Фарруҳ Соипов «олқишлар, дастхатлар, суратга
тушишлар, сени танишлари... буларнинг ҳеч ҳам ҳавас қиларли жойи йўқ!»
деганди... Бу фикрга қўшиласизми?

— Йўқ, мен бу фикрга қаршиман. Халқнинг эътиборига тушиш катта бахт-ку!
Биров сизга меҳри борлиги учун келиб, дастхат сўрайди, расмга тушса,
ўзини бахтиёр ҳис қилади. Бу ҳавас қилса арзигулик жараён.

— Таъбир жоиз бўлса, ҳали-ҳануз қизларнинг ёқимтойисиз. Бу «юк»ни
кўтариб юриш оғир эмасми?

— Йўқ. Буни юк деб билмайман. Қизларнинг ёқимтойи бўлишни қўлдан бой
бермаслик учун ўзимни ҳар кўйга соладиган хонанда эмасман. Хурсанд
бўладиган жиҳатим — мухлисаларим Сардор Раҳимхонни уйланган ё
уйланмаганига қараб яхши кўришмайди. Тўйдан аввал буни мухлисаларимга
тушунтира олганимдан хурсандман.

— Кўпинча ичидан ўтаётганини билдирмаслик учун Сардор Раҳимхон табассум
ортига бекиниб олади. Сизни яқиндан билганим учун бу мавзуни очиқ
қолдиришни истамадим.

— Кўпинча бу жараён қийин кечади. Кулиб туришга ўзимда базўр куч
топаман. Чунки одамлар ташвишимга эмас, қувончимга қизиқади-да!
Кайфиятим билан кимнингдир кайфияти белгиланишини билганим учун ҳам
табассум улашишга уринаман. Айниқса, ким биландир уришиб қолиб, нохуш
хабар эшита туриб, яхши кайфиятда саҳнага чиқиш анча мушкул. Лекин
Худога шукр, шу кунгача бундай вазиятларда ўзимда куч топа олаяпман.

— Сен бугун учун яша, кечаги кун тарих, эрта эса жумбоқ. Ушбу нақлни
қандай изоҳлаган бўлардингиз?

— Бугун учун яша, деган жумлани бошқачароқ изоҳлаган бўлардим. Боиси,
эртанги кундан умидвор бўлиб яшаш лозим. Шахсан мен эртанги кун билан
яшаш тарафдориман.

— Бастакор Алишер Икромов «Сардор кўпроқ шўх, тўйбоп қўшиқлар куйлайди.
Менга бу йўналиши ёқмайди», деганди...

— Алишер аканинг гапига юз фоиз қўшиламан. Бу ҳақда ўзимга ҳам кўп
айтишаяпти. Вазият тақозо қилгани учун ҳам охирги пайтларда шўх
қўшиқларга боғланиб қолдим. Бастакорларнинг ёнига борганимда, шўх қўшиқ
эшитиб, ёқтириб қолиб куйладим. Бу вазият кўп такрорланди. Бу билан
маҳзун қўшиқларни атай куйламаяпман, демоқчи эмасман. Куз ойларида бир
нечта маҳзун қўшиқни мухлисларга ҳавола этмоқчиман.

— Шоу-бизнесда сиз англаб етган ҳақиқат?

— Шоу-бизнесда қулоғи кар, тили соқов, кўзи кўр бўлиш керак. Юлдуз
Ибрагимовна «санъаткорнинг тиши темирдан бўлиши керак», деганди. Мен
буни бўрттириброқ, юраги тошдан бўлиши лозим, демоқчиман. «Иккита
қўчқорнинг боши битта қозонда қайнамайди», дейишади. Юз фоиз кафолати
билан айтаман, бу бўлмаган гап. Санъаткорлар ҳам бир-бирига дўст бўла
олади. Санъатда қачон юксаласан, қачонки ҳавас қилишни билсанг. Яна бир
ҳақиқат — санъатдаги муваффақият истеъдод билан ўлчанмайди.

— Жамоат жойида ўз «мен»ини ноўрин талаб қиладиган санъаткорларга
мунсабатингиз?

— Бу кибр, манманлик, юлдузлик касалидан бошқа нарса эмас. Санъаткор
юксалгани сари кўзини шира босади. Лекин кўп ҳолларда бунга
санъаткорнинг ўзи эмас, муҳит сабаб бўлади. Масалан, атрофимдагилар
«Сардор ака, либосингизни беринг, мен кўтариб оламан», дейишади.
Сартарошхонага борсам ҳам кутиб турган мижоз қолиб, «Сардор ака,
келинг!» деб қўли кўксида қарши олади. Таомнинг ҳам сараси менга
илинади, чойни ҳам биринчи менга узатишади. Ваҳоланки, ўша ерда ёши
мендан катта одамлар бўлиши ҳам мумкин. Табиийки, санъаткор шу эътибор,
хашамга ўрганиб қолади. Ўрганган кўнгил эса ўртанса қўймас. Шундай
шароит бўлмай қолса, ўзингиз талаб қилишни бошлайсиз. Устозимиз Озодбек
Назарбеков ўз кибрини синдириш учун офисига қамалиб олиб, ҳожатхонасини
ўзи тозалар экан. Мен ҳам буни ўзимда синашни бошладим. Рафиқам дам
олаётган бўлса, ўзим майда-чуйда кирларимни, идишларни юваман. Энг
муҳими, оёғимиз ердан узилмасин.

— Юқоридаги саволни бежиз бермадим. «Қопқон» кўрсатувини суратга олиш
жараёнида таниқли хонанда Анвар Санаев билан яхшигина сен-менга бориб
қолганингизга кўпчилик мухлислар гувоҳ бўлган. Рости, ўша вазиятдаги
зукколигингизга кўпчилик тан берганди...

— Кимнидир ёмонлаш фикридан йироқман. Ўша пайтда шайтон иккимизни ҳам
йўлдан урди. Худога шукр, бу вазиятдан иккимиз ҳам муносиб чиқа олдик.
Ўша пайтда мен ҳам жиззакиликка берилгандирман...

— 11 рақами сиз учун кандай ахамиятга эга? Лойиҳа шартига биноан мен
айнан ўн биринчи бўлиб сиздан интервью олаяпман...

— Рақамлар менинг ҳаётимда аҳамият касб этмайди.

— 11 июл «халқаро шоколад» куни. Уни ёмон кўрадиган одам кам бўлса
керак...

— (Кулади). Охирги пайтларда вазн билан боғлиқ муаммолар туғилгани боис
ширинликлардан ўзимни тийяпман. Бир сўз билан айтганда, парҳездаман.

Энг кулгили миш-мишларга жиддий жавоб

Sardor Rahimxon «Azizim Vatan» klipi jarayonidan...

Umid_Virus — Sat, 20 Aug 2011 17:37:52 GMT

Vatan" src="http://img.sb.uz/5/SardorRahimxon-AzizimVatan12mini.jpg" alt="Sardor Rahimxon - Azizim Vatan">O'zbekiston Respublikasida hizmat
ko'rsatgan artist Sardor Rahimxon Mustaqilligimizning 20 yillik
shodiyonasiga ajoyib sovg'a hozirlamoqda. Sardor "Azizim Vatan" deb
nomlangan yangi qo'shiq yozdi va u qo'shiqqa klip ham tasvirga tushirdi.

"Azizim
Vatan" taronasi mualliflari bilan tanishamiz: musiqa muallifi Musaxon
Nurmatov , matn muallifi esa Botir Ergashev, qo'shiqning aranjirovkasi
ustida Jasur Abdurahmonov ishlagan. Qo'shiqqa ishlangan klip rejissori
ikki ajoyib klipmeyker Mirmaqsud Oxunov hamda Rustam Murodov. Klip yaqin
kunlar ichida tayyor bo'ladi va keng ommaga havola etiladi. Quyida esa
klipdan maxsus fotolavhalar keltirilgan.

Rahimxon - Azizim Vatan">

Shahzoda Matchonova: «Men erka qiz emasman»

Umid_Virus — Sat, 20 Aug 2011 17:33:50 GMT

Hamkorimiz
"Humo+TV" gazetasining 17 avgustda sotuvga chiqqan 33-sonida Shahzoda
Matchonova bilan uyushtirilgan qiziqarli suhbat chop etildi. Ushbu
suhbatda Shahzoda "Men erka qiz emasman..." deya savollarning biriga
javob beradi.

Shu bilan bir qatorda "Tushdagi ishora",
"Belingizni "tuzoq"dan asrang!" va "Ko'z tuyani yiqitadimi?" kabi
maqolalar chop etilgan. Ushbu haftanomani o'qishda davom eting. Kelgusi
sonlar haqida ham xabar berishda davom etamiz.

Ahad Qayum: «Shifokorlar miyyamda qandaydir kasallik aniqlashgan»...

Umid_Virus — Thu, 18 Aug 2011 19:11:08 GMT

Ammo, hozircha siz azizlarga Ahad Qayum bilan uyushtirilgan
so'nggi intervyulardan birini taqdim etamiz. Biror bir xabar topilgan
zahoti saytimiz sahifalarida yozib o'tiladi.

Keling, so'zimiz avvalida so'nggi paytlarda tele va
radiokanallari orqali taqdim etilib, xalq orasida ommalayoshayotgan
qo'shiqlarni bir-bir sanab o'tsak. Demak, Farhod Saidov - "Qizmi bu,
kiyikmi bu", Sardor Rahimxon - "Qizbola", Zulayho Boyxonova - "Kimnidir
sevganmisan?..", Ozodbek Nazarbekov "Beg'uborim, beqarorim, kel",
Shohjaxon Jo'raev "Farishtaginam"… Ro'yhatni uzoq davom ettirish mumkin,
ammo kuzatuvlarimiz natijasida shu narsa ma'lum bo'ldiki, turli
yo'nalishda ijod qiluvchi san'atkorlar tomonidan ijro etilgan aksariyat
"hit"lar muallifi yagona ijodkor Ahad Qayum bo'ladi. Bu omadmikin yoki
mehnat mahsuli, balki taqdir ino'midir? Uning muvaffaqiyati siri va
boshqa o'zimizni qiziqtirgan shu kabi savollarga javob olish maqsadida
shoirni suhbatga tortdik.

- 2010 yilda she'rlari eng ko'p
qo'shiq bo'lgan shoir sifatida e'tirof etildingiz. Bilamiz, asl
kasbingiz mutlaqo boshqa. She'riyatga qanday aloqador bo'lib qolgansizu,
shou-biznesga qanday aralashib qoldingiz?
- Bolaligimda
nihoyatda sho'x bola bo'lgan ekanman. Ota-onam qarindoshlarnikiga
mehmondorchilikka chiqadigan bo'lishsa, albatta meni uyda qoldirib
ketishardi. Chunki hamma mendan bezor, sho'xligimdan hech qayerda
hotirjam o'tira olishmasdi. Urishib ham, so'kib ham gapiga kirgiza
olmagan dadam meni uyimizdagi kutubxonaga qamab qo'yadigan bo'lganlar.
Shu-shu bu yer - mening eng sevimli joyimga aylangan va aynan kitoblar
dunyosi meni butunlay o'zgartirib, katta bo'lganim sari bosiq, jiddiy
bolaga aylanib bordim. Adabiyotga, she'riyatga mehrim shu paytlardanoq
ko'nglimga o'rnashgan bo'lsa ajabmas. Ulg'ayganda umuman boshqa sohani
tanlaganim boisi, maktabda hamma fanlarni yaxshi o'zlashtirganim uchun
o'qituvchilarning har biri o'z yo'nalishiga tortardi. Matematika yutib
chiqqan-da! (kuladi) Shou-biznesga aralashib qolishimga ustozim Bobur
Bobomurod sababchi bo'lgan. 2007 yilda bo'lgan ijodiy kechalarida
ularning she'rlarini aytib chiqishim kerak bo'lgan. Hayajonlangandan
esimdan chiqib, o'zimning she'rimni o'qib ketganman. Shunda Bobur aka
men bilan qiziqib qolganlar. "Bugun shou-biznesni kimdir jar yoqasidan
olib qolishi kerak. Sening qalamingda shu kuch bor, faqat to'g'ri
foydalana olishing kerak" deganlar. Shundan keyin ularning bu
ishonchidan ilhomlanib yanada ishtiyoq bilan ijodga kirishganman.
-
Ozodbek Nazarbekov ijrosida "Yana sog'indim, yana" qo'shig'i
san'atkorlar orasida ham, xalq ichida ham tanilishingizga katta hizmat
qilganini tan olasizmi?
- "Yana sog'indim" qo'shig'i
bo'lgan birinchi she'rim bo'lib, ijodimdagi 362 namunadir. Uning
tanilishimga, nomimning odamlar tiliga tushishiga, shubhasiz katta
ta'siri bo'ldi. Aynan shu bois ham ilk she'riy kitobimni shunday
nomlandim. O'zim kutmagan holda birin-ketin boshqa she'rlarim ham
qo'shiqchilar tomonidan kuylanib "hit"ga aylana boshladiyu, beixtiyor bu
soha meni "domi"ga tortib ketdi.
- Birinchi kitobingizni
o'zingiz emas, boshqa bir ijodkor chop ettirib, sizga sovg'a qilgani
rostmi?
- Rost, Vali Bobomurod degan bir ijodkor akamiz,
qo'shiq bo'lgan va gazeta-jurnallarda chop etilgan she'rlarimni yig'ib,
kitob holida chop etib o'zimga ming dona sovg'a qilganlar.
-
Ma'lumotlarga ko'ra, o'tgan yil 300ga yaqin she'ringiz san'atkorlar
tomonidan kuyga solinibdi. Bunday rekord natijaga qanday erishdingiz?..
-
To'g'risi, o'zim umuman kutamaganman. Qaysi radioga qo'ymay
berilayotgan qo'shiqlarning uchtadan bittasining she'ri meniki bo'lib
chiqardi. Birgina bastakor Musaxon Nurmatovning o'zi tanishganimizga uch
yil bo'lgan bo'lsa, shu muddat ichida 500ga yaqin she'rimga kuyga
bastalaganlar. Ulardan minnatdor bo'lishim kerak, chunki har kuni bir
qo'ng'iroq qilib bo'lsa-da, yangi she'rlar so'rab, ijodga undab
turadilar. "Shunaqa ham bo'ladimi qizbola?" she'rini qo'shiq qilaman
deganlarida "bo'lmaydi" deb e'tiroz bildirganman. "Hali ko'rasiz, hit
bo'ladi" deb o'zlari qo'shiqni Sardor Rahimxonga taklif qilganlar.
Ko'pchilik ijodimning bunday tus olishiga Ozodbek Nazarbekovni sababchi
deb biladi, to'g'ri albatta ularning ham rollari muhim, biroq ijodim
keng qanot yozishida Nazarbekovdan ham ko'ra Musaxon aka, Abduxoshim
Ismoilov, Bobur Bobomurodlarning o'rni katta.
- Kino
sohasida ham o'zingizni sinab ko'rib ulgurdingiz, har holda ikkinchi
darajali rollarda bo'lsa ham... Yaqinda qo'shig'ingiz prem'erasi
bo'larkan. Bu tomonda prodyuserlik markazingiz... Bir vaqtda ikki emas,
uch-to'rtta qayiqni ushlayman deb shoshib qolmayapsizmi?
-
She'r yozish men uchun o'rganib qo'yilgan bir hunarga o'xshaydi.
Shoirlikka sira da'voyim yo'q. Lekin boshdan aktyorlik sohasini chuqur
egallash niyatim bo'lgan. Hatto Munavvara Abdullaevaning kurslarida uch
yil o'qiganman. Bu tomonlama qiziqishim kuchli bo'lganidan prodyuserlik
markazimizni ham shunga yo'naltirdik. Qariyb bir yil bo'ldi, yosh aktyor
va aktrisalarni kashf etib, ularni olib chiqish ustida ishlayapmiz. Tez
orada taqdim etishni mo'ljalagan "Maktublar" nomli ilk qo'shig'im
klipida o'zimizning markaz yigit-qizlari rol ijro etishdi. Ko'plardan
"bitta kasbni mahkam tutsang bo'lmaydimi" degan fikrlarni eshitaman,
balki bu gap ham to'g'ridir. Mening bu borada fikrim sal boshqacha:
inson nechta kasbda ishlashi muhim emas, muhimi o'sha sohaga zarar
yetkazmasa bo'lgani. Bitta kasbda turib o'shanga munosib bo'lolmaslik
ham mumkin.
- Bir kunda o'ttiztagacha she'r yozgan
paytlaringiz ham bo'lgan ekan? Bu qadar sermahsul ijod qilishingiz siri
bormi?
- 2007 yilda ko'zimning ko'rish qobiliyati tushib
ketib shifokorga tekshirtirgani olib borishganda, bosh miyamda qandaydir
kasallik aniqlashgan. O'shanda shifokorning otamga "uzog'i bilan ikki
yillik umri qolgan" deb aytayotganini eshitib qolganman. Bilganimni
ularga sezdirmaganmanu, lekin Qattiq siqilib, juda yomon tushkunlikka
tushganman. Ichimdagi ana shu iztirob, dard she'rga ko'cha boshlagan.
Qolaversa, "umrim kam qoldi, o'zimdan nimadir qoldirishga ulgurishim
kerak" degan hayol boshimga o'rnashib olgan va meni tinimsiz yozishga
undagan. Bunaqa kuchni sun'iy yaratib bo'lmaydi. Bilmadim, mana shu kuch
ta'siridami, Allohning qudrati bilan oradan to'qqiz oy o'tib qayta
tekshiruvlardan o'tganimda, tashxis kutilmagan darajada yaxshi natijani
bergan. Yana kim biladi, balki shifokorlar vahima qilishgandir... Lekin
aynan o'sha kunlarda men boshqacha yashashni o'rgandim.
-
She'rlaringizdagi mavzularning hammasi o'z hayotingizdanmi, deylik
"Sinishimni sog'indi kimlar"?.. Yoki buyurtma asosida yozilganmi?
-
Shu paytgacha buyurtma asosida umuman yozmaganman. "Sinishimni sog'indi
kimlar"ni hamma Ozodbek "zakazi" bilan yozilgan deb o'ylaydi, aslida bu
yuz foiz o'z boshimdan o'tgan ko'rgilik, dilimdagi kechinmalar mahsuli.
Oydin bilan munosabatlarimiz jar yoqasiga borib, bir ahvolda qolganimda
hammasiga qo'l siltab qishlog'imga ketganman. O'shanda qo'l
telefonlarimgacha o'chirib tashlagandim. Mirzabek Holmedov kimlardir
orqali ammallab menga bog'lanib aytgan gaplaridan hursand bo'lib ketib,
poytaxtga qaytishga qaror qilganman. O'shanda kela-kelguncha shu she'rni
qoralaganman. She'rning qo'shiqqa kirmay qolgan "O, sevgilim
hiyonatlaring, qalbim yirtar jinoyatlaring..." degan misralari bor.
"Otamga o'xsha, o'g'lim" she'ri ham dadamning nasihatlaridan keyin
yaralgan.
- Kimdandir eshitgandim, har kun bitta she'r
yozmasangiz ko'nglingiz joyiga tushmas ekanmi?
- (kulib)
Ertalab uyg'onganimda bugun ham bitta she'r yozishim kerak degan hayol
bo'lmaydi albatta, lekin har kech uxlashimdan oldin "bugungi kunimdan
nima qoldirdirdim?" degan savolni berganimdan keyin, chala qolgan yoki
hayolimda pishib turgan biror g'oyani qog'ozga tushirib qo'yaman va
shundan keyingina tinch uxlayman. Ba'zida mendan tanimaganlar "Siz she'r
ham yozib turasiz-a?" deb so'rab qolishadi, shunday paytda hazil
aralash "Yo'q, men she'r yozib uxlayman" deb javob beraman.
-
She'rlaringizning aksariyati Oydin Yusupovaga bag'ishlab yozilgani
to'g'rimi?
- Sevgi ta'sirida yozilgan she'rlarim ko'p, ammo
ularning hammasi Oydinga bag'ishlangan deyolmayman. Faqat bitta "Begim
demang, begoyim" she'ri aynan unga bag'ishlangan. Keyin "Jiyda gullari"
qo'shig'i she'ri ham qaysidir ma'noda unga atalgan. "Farishtaginam",
"Man, yana man" she'rlari ham unga bag'ishlangan ekan deb yozib
chiqishdi, bular ilohiy sevgi ta'sirida qog'ozga tushgan satrlar,
kimgadir atalgan emas...
- Siz va Oydin Yusupova bilan
bog'liq mish-mishlar haligacha tinchigani yo'q. Muhabbat qissasi hali
ham davom etmoqdami?
- Yo'q, hozir u bilan hatto do'stona
aloqada emasmiz, rishtalar butunlay uzilgan. Hali ham orqasidan yugurib
yurgan ekan, ayniqsa, Oydin Ahaddan homilador emish degan mish-mishlar
umuman noto'g'ri. Men uni emas, u o'zi meni yo'qotdi. Boshqa bu mavzuda
gapirishni xohlamayman!
- Aytgancha, "Man, yana man" she'rini
qashqadaryolik bir qiz mualliflik huquqini talab qilib anchadan beri
siz bilan talashayapti?..
- Bir yildan beri turli
gazeta-jurnallarga tinimsiz ravishda bog'lanib, meni o'g'rilikda ayblab
kelayapti. Avvaliga uning nogiron qiz ekanini hisobga olib indamadim,
ustoz shoirlar bunaqasi bizda ko'p uchragan deganiga tenglashmay deb
bosiqlik qildim. Qarasam, ochiq oshkor tuhmat qilish yo'liga o'tishdi.
Juda ayyor, pixini yorgan ekan. Necha marta yuzma-yuz ko'rishishga
kelishdik, o'zlari kelmay, yana meni qochib yuribdi deb gap
chiqarishibdi. "Yelkamda ikkita qushlar izi bor" degan gapni ushlab
olgan. Avariya bo'lgandan keyingi yelkasida shunday izlar qolgan emish.
Balki tasodifiy o'xshashlikdir, ahir odamlar butun boshli she'rlarimni
xuddi mening dardimni bilib-ko'rib yozgandaysiz deyishadi-yu. Meni
o'g'irlikda ayblab yozilgan maqoladan keyin qattiq tushkunlikka tushib
qoldim. Yuragimga og'irlik qildi, ikki oy yotib qoldim. Tuhmat balosi
yomon ekan. Agar yana shu ahvolda davom etsa qarab turmayman, sudga
berishga majbur bo'laman.
- Suhbatimiz so'ngida eng maza
qilib yozgan, ichingizdan quyilib kelgan she'ralaringizdan bir-ikki
misra keltira olasizmi?
- Albatta, "Bo'g'zimda titrar
faryod, ayt, kimdan so'ray najot, bir qadam qo'ymay turib, meni yiqitma,
hayot" va "sevgi bog'idagi qorlar bag'ridan burgut xo'rsinar,
yomg'irin to'kolmay bulut xo'rsinar, o'lgan sevgimizni qayga ko'maman,
yurakka tor kelib tobut xo'rsinar" misralari aynan yuragimdan to'kilgan.

Uzoq muddatli yurak hastlagini boshdan kechrib
turgan bir paytda san'at maydonida serqirra ijod qilishga kuch va
rag'bat topayotgan bu yosh ijodkorga omad tilab hayrlashdik.

Ahad qayum haqida
bilmaganlarimiz:
Tug'ilgan: 1987 yil 15
iyunda Buxoro viloyati Shofirkon tumani Denov qishlog'ida
Tahsil
olgan: 2004-2008 yillarda Toshkent Davlat Axborot
Texnologiyalari Universitetida
Shu bilan birga:
"Muhammad Yusuf" nomidagi adabiy ijtimoiy fond qoshidagi "Oltin qalam"
gazetasida muharrir o'rinbosari vazifasida ishlab, badiiy ijod bilan
shug'ullangan.

"Shu Vatan" qo'shig'i uchun O'zbekiston
Respublikasi qurolli Kuchlarining maxus sertifikati bilan taqdirlangan.

Uning
she'ri bilan Ozodbek Nazarbekov ijrosida kuylangan "Yana sog'indim,
yana" qo'shig'i 2009 yilda "Eng yaxshi sog'inch haqidagi qo'shiq" va
"Yilning eng hit taronasi" deb e'tirof etilgan.

Ayni
paytda: Zulayho Boyxonova, Mansurxon Nurmatov, Botir Qodirov,
Xurshid Rasulov, G'ulomjon Yoqubov, G'iyos Boytoev, Dilshod Rahmonov,
Dildora Niyozova, Anvar Sanaev, Anvar Sobirov, Abduvali Rajabov,
"Sarbon" guruhi, Shuhrat Qayumov, Sardor Rahimxon, Alisher Fayz, Sherali
Jo'raev, Sarvara, Ravshan Komilov kabi 50dan oshiq taniqli va yosh
xonandalar bilan hamkorlikda ishlamoqda

Bugungi kunda:
ijodini aktyorlik va qo'shiqchilikda davom ettirmoqda.

"Devona
farishta," "Umid", "Saboq", "Dada", "Sarob", "Tango yoxud adashgan
sovchilar", "Farmasevt" filmlari uchun yozilgan maxsus qo'shiq
(saundtrek)larning ham matni muallifi.

2010 yildan adabiyot va
san'atga ixlosmand yoshlarni qo'llab-quvvatlash maqsadida tashkil
etilgan "Ahad Qayum ijodi" prodyusserlik markazining rahbari sifatida
faoliyat olib bormoqda.

Shahzoda: «Qo'shiqlarimizda dard bor, ana shu bizning yutug'imiz»!

Umid_Virus — Thu, 18 Aug 2011 19:08:23 GMT

–Shahzoda, siz bilan uchrashganimizga ancha bo'libdi. Oxirgi
yangiliklaringiz haqida gapirib bersangiz?
–Muxlislarimning
xabari bor, 2009 yilda ikkita albomimni taqdim qildim. Biri lirik albom
bo'lib, nomi "Sevgi bor", ikkinchisi esa odatiy musiqiy treyklar
jamlangan albom edi. Shuningdek, rus tilidagi qo'shiqlarim jamlangan
disk ham taqdim qilingan edi. Hozirda yangi albomdan joy egallaydigan
qo'shiqlar ustida ishlamoqdaman.
–Yangi albomingizning
nomlanishi haqida o'ylab ko'rdingizmi?
–Bu haqda, ochig'i
o'ylab ko'rmabman. Avvaldan birinchi qo'shiqlarni yozib olaman, so'ng
esa albom nomi haqida bosh qotiraman.

–Shahzoda, muxlislaringiz uchun sizning qanday hordiq
chiqarishingiz ham qiziq.
–Eng yaxshi dam olish maskanim,
albatta, uyim. Chunki asosan chet mamlakatlarda gastrol safarlarida
yuraman. Shu kunlarda Qozog'iston, Qirg'iziston va Sankt-Peterburgga
gastrol safariga jo'nab ketaman. Turmush o'rtog'im, o'g'lim bilan uyda
dam olishimga baribir hech narsa teng kelmaydi. Ha aytgancha, bo'sh
vaqtimda "Prins" laqabli juda aqlli itimni o'ynatishni yaxshi ko'raman,
bundan tashqari mushugimni silab o'tirishni.
–Adashmasam,
itingizning zoti "Labrador", rangi esa oq...
–To'g'ri
topdingiz!
–Darvoqe, o'g'lingiz hozirgi kunda nimalar bilan
mashg'ul?
–O'g'lim bu yil 7 sinfni tamomlaydi. Hozircha
kurash sport turi bilan muntazam shug'ullanib kelmoqda. Kurash zallarida
u urushishni emas, balki kutilmagan hollarda o'zini himoya qilishni
o'rganadi. Sport o'g'limning sog'lom bo'lib voyaga yetishida katta
yordam beryapti, deb hisoblayman.
–Shou-biznes sizni qay
darajada o'zgartira oldi va bu olamning sizga yoqmaydigan tomonlari?
–Shou-biznes
olamiga 19 yoshimda kirib kelgan bo'lsam, mana shu vaqtgacha
shou-biznes odamni sindirmasligini, aksincha ruhan chiniqtirishini,
ma'naviy kuchli qilishini tushunib yetdim. Shou-biznes olamining menga
yoqmaydigan tomoni bu – g'iybat! Keyin tuhmatdan qo'rqib qolganman.

–Yoqadigan tomoni-chi?
–Qo'shiqlar!
Qo'shiqlarimizda dard bor. Busiz ular tinglovchilar yuragiga yetib
bormasdi.
–Hayotda-chi? Nimalarni yoqtirasiz?
–Jajjigina
bolalarni hamda hayvonlarni yaxshi ko'raman. Hayvonlarni qiynagan, yosh
bolalarni kaltaklaganlardan nafratlanaman.
–Onasiz.
Farzandingizni tergab turasizmi?
–Agar xato qilsa, qaerda
xatoga yo'l qo'yganini to'g'ri tushuntirishga harakat qilaman. Shu
paytgacha farzandimga qo'l ko'tarmaganman. Ba'zi vaqtlar bo'ladi,
jahlimni chiqarsa, juda keskin gapirib tashlayman. Lekin vaqt o'tgach,
qilgan ishimdan afsuslanaman. Shu uchun keyin afsuslanadigan ish
qilmaslikka intilaman har doim. Yaxshi gap bilan ham muammoning
yechimini topsa bo'ladi. Bolani kaltak bilan tarbiyalashlariga mutlaqo
qarshiman.
–Hayotingizning asosiy qismi gastrol safarlarida
o'tadi. O'g'lingizni ham birga olib ketasizmi?
–Hech qachon!
Chunki o'g'lim maktab o'quvchisi. Agar men uni o'zim bilan olib ketsam,
o'qishi qolib ketadi. Kelajakda yetuk mutaxassis bo'lishi uchun u
hozirdan a'lo baholarga o'qishi kerak.

–Tozalik sizning hayotingizda...
–Juda muhim!
Nafaqat kundalik hayot, balki insonlar bilan muloqotda ham inson hurmat,
pokiza qalb bilan muomalada bo'lishi kerak, deb hisoblayman.
Ikkiyuzlamachilikni qattiq qoralayman. Hamma bilan samimiy munosabatda
bo'laman va yon atrofimdagilardan ham shuni talab qilaman.
–Oxirgi
marta kim bilan janjallashib qoldingiz?
–Bilasizmi, men
kelishmovchiliklarni yomon ko'raman va hech qachon kim bilandir
janjallashmayman. To'g'ri, meni hafa qiluvchilar topiladi. Bundaylarni
shunchaki hayotimdan o'chirib tashlayman va boshqa umuman e'tibor
bermayman.
–Hayotingizdan o'chirib tashlagan odamlar soni
qancha, sir bo'lmasa?
–Bunday holat kamdan kam bo'ladi.
Chunki atrofimda yaxshi insonlar yig'ilishgan. Kelishmovchilik holatlari
ham bo'lgan, lekin ularni eslashni xohlamayman.
–So'ngi
marotaba qaerga taksida bordingiz?
–(Kulib). Esimda yo'q.
Chunki o'zim avtomobil boshqaraman. Mashinam buzilib qolganligi tufayli
"Tarona Rekords" studiyasiga taksida kelgan bo'lishim mumkin. Lekin
bunday holatlar avval sodir bo'lgan.

–Mashina boshqarib ketayotganingizda muxlislaringiz sizni
ko'rishlari tabiiy hol...
–Ba'zi paytlarda rulda
ketayotganimda, mashina boshqarib ketayotgan yosh yigitchalar meni tanib
qolib, baqirib, har xil qiliqlar qilishadi. Shunday hollarda hamisha
oynalarni yopib, ularga parvo qilmasdan yo'limni davom ettiraman. Bu
harakatimdan keyin o'sha yigitlar men haqimda "Shahzoda yulduz bo'lib
qolibdimi", degan fikrga kelishlari mumkin. Lekin men bir narsaga
aminmanki, katta ko'chada baqir-chaqir qilish, turli beo'xshov qiliqlar
ko'rsatish o'zbek mentalitetiga to'g'ri kelmaydi. Agar ular mening
muxlisim bo'lib, men bilan salomlashgilari kelsa, bu ishni farosat bilan
amalga oshirsa bo'ladi.
–Yo'l qoidalariga qanchalik ahamiyat
berasiz?
–Yo'l qoidalarini buzmaslikka harakat qilaman.
Ammo patrul xodimlari men bilan ko'rishish uchun ham tez-tez to'xtatib
turishadi. Har doim bir xil yo'nalish bo'yicha harakatlanganim uchun
DAN xodimlari meni yaxshi tanishadi.
–So'nggi marotaba
o'zingiz uchun nima xarid qildingiz?
–Juda ko'p narsa.
So'nggi xaridlarimdan biri bu o'zim uchun do'st sotib olganim. Aslida
do'stni sotib olsa bo'lar ekan. Mening do'stim bu – "Labrador" laqabli
kuchugim.
–Modani kuzatib borasizmi?
–Albatta.
Lekin modaga mukkadan ketgan emasman. Libosingizning narxi hech qanday
ahamiyatga ega emas, asosiysi u sizga yarashib tursin.
–Taom
tayyorlay olasizmi?
–O'n uch yoshimdan o'zim mustaqil taom
tayyorlashni boshlaganman. Barcha ovqatlarni tayyorlay olaman.
–Sevimli
ichimligingiz?
–Ba'zilar tabiiy sok yoki boshqa
ichimliklarni yaxshi ko'rishadi. Lekin men qora choyni yaxshi ko'raman.
–O'z
harakatlaringizdan uyalgan vaqtlaringiz bo'lganmi?
–Yo'q.
To'g'ri, men haqimda "Shahzoda ochiq kiyinadi", deb gapirishgan.
Nazarimda, sahnada kuylayotgan san'atkor boshqalardan ajralib turishi
kerak. Onam filolog, rus tili va adabiyoti o'qituvchisi, ammo bundan
tashqari u ajoyib chevar ham. Aynan ular tufayli o'zimga yarasha didim
bor, chiroyli liboslarni yaxshi ko'raman. Menga klassik uslub yaqinroq,
ortiqcha bejamdorlikni yoqtirmayman. Ayol badanining go'zalligiga urg'u
beruvchi ochiq kechki bayram liboslarini juda yoqtiraman. Ba'zida
nimanidir ozgina ochish yoki unga urg'u berish mumkin, deb o'ylayman,
faqat buni to'g'ri qilish kerak. Qolaversa, asosiysi libos emas, balki
sahnada o'zini tutish madaniyati.
–Og'ir damlardan qanday
chiqib ketasiz?
–Bunday hollarda do'stlarim bilan uchrashib,
suhbatlashishga oshiqaman. Chunki og'ir damni yengib o'tishim uchun kim
bilandir suhbatlashishim kerak. Ba'zilar og'ir damga tushsa, yolg'iz
qolgisi keladi. Menda bunday emas.
–Kitob o'qishga vaqt
topasizmi?
–Albatta. Eng so'nggi o'qigan kitobim bu yozuvchi
Paolo Koeloning "Brida" asari! Bundan tashqari yaqinda yangi filmga
taklif bo'lgan edi, o'sha film ssenariysini o'qib chiqdim.
–Muxlislaringiz
sizni aktrisa sifatida ko'rishlari mumkin ekan-da?
–Bo'lishi
mumkin. Lekin bu hali aniq emas. Hozircha bu shunchaki loyiha sifatida
turibdi.
–Film sevgi-muhabbat haqidami?
–Sevgi-muhabbatga
ham o'rin qoldirilgan, lekin film menimcha ko'proq hayot haqida.
–Va'da
bergan bo'lsangiz, aytilgan joyga vaqtida borasizmi?
–Kech
qolmaslikka harakat qilaman. Kerak bo'lsa, aytilgan vaqtdan ancha oldin
ham yetib boraman. Menga insonlarning o'z ishlariga befarq bo'lishlari,
mas'uliyatsizlik bilan yondoshishlari umuman yoqmaydi.
–Kelajakdagi
rejalaringiz?
–Amalga oshirmoqchi bo'lgan rejalarim juda
ko'p. Juda ko'p narsani niyat qilib qo'yaman, biroq yuzaga kelgan
vaziyatlar tufayli ularni amalga oshirishning iloji bo'lmay qoladi.
Keling niyatlarim bilan o'rtoqlashay: o'z ismimni patent qilib, o'z
liboslarim liniyasini chiqarish g'oyam bor edi.
Yana bir amalga
oshirsa bo'ladigan orzuim – kitob chiqarish, yo'q kitob ham emas, men
bo'lgan mamlakatlar, madaniyatlardan olgan taassurotlarim yozilgan
ocherklar to'plami. Bunday kashfiyotlar meni doim hissiyotlarga
to'lib-toshiradi, ularni qog'ozga bitgim keladi.

Prem'era: Ruhshona «Zamonaviy sovchilar»!

Umid_Virus — Thu, 18 Aug 2011 18:35:07 GMT

"Akfa-media" kompaniyasining ajoyib xonandalaridan biri Ruhshona
o'zining navbatdagi qo'shig'ini "Zamonaviy sovchilar" filmiga saundtrek
tarzida kuylagan. Ushbu saundtrek uchun esa film lavhalari bilan
boyitilgan videoklip ham tayyorlangan. Bugun mana shu klipni siz
azizlarga taqdim etamiz.

Rejissor Javlon Shodmonov
tomonidan suratga olingan ushbu filmda siz bir qator elimiz suygan
san'atkorlarni ko'rishingiz mumkin. Jumladan, Alisher Uzoqov, Zarina
Nizomiddinova, Nargiza Abdullaeva, Muhammadiso Abdulxayirov kabi
iste'dodli aktyor va aktrisalarimiz ajoyib obrazlarni talqdin etishgan.
Quyida Ruhshonaning "Zamonaviy sovchilar" filmi uchun kuylagan shu nomli
qo'shig'iga ishlangan klipdan fotolavhalar hamda klipni ko'chirib olish
yo'llanmasi keltirilgan.

- Zamonaviy sovchilar">

Kelajakda moliyaviy inqirozga olib keluvchi 7 sabab ↓

Umid_Virus — Thu, 18 Aug 2011 18:27:08 GMT

Jahon fond bozorlari yana talvasaga tushmoqda – "Standard & Poor’s” (S&P) xalqaro reyting agentligi tomonidan AQSh reytingining pasaytirilishi butun yer shari bo‘ylab fond, xomashyo va valyuta birjalarida juda kuchli reaksiyaga sabab bo‘ldi. Ulardan ko‘pchiligida indekslar tinmay tushib bormoqda, aksincha oltinning narxi esa yangidan-yangi rekordlarni o‘rnatmoqda.

Ko‘pchilik ekspertlar rivojlangan mamlakatlarda retsessiyaning qaytarilish xavfini oldindan bashorat qilmoqda, chunki aksiya bozorlarida aynan shuning ifodasi ko‘rinmoqda.

Vaziyat haqiqatdan ham juda qaltis – dunyodagi yirik iqtisodiyotga ega mamlakatlar qarz botqog‘iga botib qolgan, AQSh iqtisodiyoti esa normal o‘sishga erisha olmayapti, yevrozona esa o‘zi bilan o‘zi ovvora. Bugungi holatni 2008-yilgi moliyaviy inqiroz bilan solishtirish asnosida hamma o‘z-o‘ziga bir savolni bermoqda – joriy vaziyat yangi iqtisodiy inqirozning boshlanishi emasmi?

Rossiyadagi birinchi biznes-telekanal "RosBiznesKonsalting” eskpertlari kelajakda yangi moliyaviy inqirozga olib kelishi mumkin bo‘lgan 7 asosiy sababni o‘rganib chiqdilar. Quyida o‘sha sabablar keltirilgan.

Kelajakda moliyaviy inqirozga olib kelishi mumkin bo‘lgan 7 asosiy sabab:

1) AQSh davlat qarzi muammosi

2) Xitoy va uning disbalanslari

3) Yevrozonadagi inqiroz

4) Yaponiya va uning davlat qarzi

5) Rivojlanayotgan mamlakatlar xavfi

6) Iste’molchilar orasidagi inqiroz

7) Mahsulotlarning global miqyosda yetishmasligi

Super Prem'era: Oybek va Nigora «Dlya tebya»!

Umid_Virus — Wed, 17 Aug 2011 19:25:28 GMT

Sevimli yulduzlaringiz, ajoyib juftlik Oybek va Nigora o'zlarining navbatdagi ijod namunalarini o'z muxlislariga havola qilish uchun tayyorlar. Ushbu klip prem'erasi aynan bizning portalimiz orqali amalga oshirilayotgani ham tahsinga loyiq!

Oybek va Nigoraning ilk bor rus tilida ijro etgan qo'shiqlari uchun klip suratga tushirildi. "Dlya tebya" deb nomlangan ushbu qo'shiqqa klipni "Hadji Production" suratga tushirdi. Klipda siz Oybek va Nigorani katta dengizda ko'rishingiz mumkin. Qiziq taraflaridan yana bir shuki, klipning so'ngida Oybek va Nigora o'zlarini suvga tashlaydilar. O'ziga xos tarzda suratga olingan mazkur klipdan fotolavhalar hamda klipni ko'chirib olish yo'llanmasi quyida keltirilgan.

Oybek va Nigoraning "Dlya tebya" klipini ko'chirib olish

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

Oybek va Nigora - Dlya tebya

«Benom» guruhidan firibgar chiqdimi?

Umid_Virus — Wed, 17 Aug 2011 19:22:16 GMT

Sarvar BenomEstrada olamida yana bir firibgar chiqdimi? Emishki, "Benom" guruhi a'zolaridan biri Sarvar firibgarlik qilayotgan ekan. Bu xabarni aniqlashtirish maqsadida biz Sarvar bilan suhbatlashdik. U esa darhaqiqat shunday gap yurganligini va uning nomidan boshqa bir kimsa ko'pchilikni aldab yurganini ma'lum qildi. Xonandaning qiyofadoshi ko'p joylarda men "Benom" guruhi a'zosi Sarvarman deb, har xil odamlardan ko'p miqdorda pul olgan. Uning ismi Alisher ekanligi ham ma'lum bo'lgan. Hozirda "Benom" guruhi a'zolari, jumladan aynan Sarvar uning nomidan barchani aldab yurgan firibgarni izlash bilan ovora. U haqidagi barcha ma'lumotlar kerakli joylarga ma'lum qilingan. Agarda siz shu kabi holatlardan voqif bo'lsangiz va o'sha firibgar bilan bog'liq ma'lumotlarga ega bo'lsangiz, (+99894) 5450110 raqamlariga qo'ng'iroq qilishingiz mumkin. Har bir ma'lumot yana bir insonni aldanishini oldini olishga sabab bo'lishi mumkin.

Sevinch turmush o'rtog'iga atab qo'shiq kuyladi!

Umid_Virus — Fri, 12 Aug 2011 14:39:29 GMT

Sevinch turmush o'rtog'iga atab qo'shiq kuyladi!

SevinchSevinch (Mo'minova) Muqimova muxlislari sevimli xonandalaridan yangi qo'shiqlar ketma-ketligini qarshi olishga tayyormisiz? Unday bo'lsa, asta-sekinlik bilan boshlaymiz. Sevinch "O bilar" nomli Ozarbayjon tilida qo'shiq kuyladi.

Ushbu qo'shiqni bugunoq bizning portalimiz orqali muxlislar ko'chirib olib, tinglash imkoniyatiga ega bo'ladilar. Barchaning xabari bor Sevinchning muxlislari nafaqat O'zbekistonda, balki Ozarbayjonda ham juda ko'plab topiladi. Mana shu yangi qo'shiq Sevinchning aynan Ozarbayjonlik muxlislari uchun sovg'a bo'lsa, ajab emas.
Darvoqe, yana bir yangilik, Sevinch o'z turmush o'rtog'i uchun maxsus qo'shiq kuyladi. Unga atalgan ushbu tarona "Men bu sen" deb nomlanadi. Bu qo'shiq ham saytimiz muxlislari uchun tez kunda taqdim etiladi.